Mae dyluniad cerdyn Nadolig merch ysgol o Fae Colwyn wedi cipio'r brif wobr iddi yng nghystadleuaeth cardiau Nadolig flynyddol AS Gorllewin Clwyd, Darren Millar.

Bob blwyddyn, mae Darren yn gwahodd disgyblion ysgol ar draws ei etholaeth i ddylunio cerdyn Nadolig, y mae'n ei dosbarthu yn yr ardal.

Y thema eleni oedd yr 'Anrheg Nadolig Gorau' a seiliodd Elizabeth Lambourne, 11 oed o Ysgol Pen-y-Bryn, ei dyluniad ar y 'Rhodd o Gariad'.

Meddai Darren:

"Dydy dewis enillydd cyffredinol byth yn hawdd, a oedd eleni ddim yn eithriad, ond mae gan ddyluniad Elizabeth bopeth roedden ni’n chwilio amdano - mae'n Nadoligaidd, lliwgar, cyfoes ac unigryw.

"Roeddwn i hefyd wrth fy modd ei bod hi wedi dewis y 'rhodd o gariad', sef yr anrheg gorau y gallwch chi ei roi i rywun adeg y Nadolig.

"Bydd dyluniad Elizabeth yn cael ei anfon at filoedd ac rwy'n siŵr y bydd pawb sy'n derbyn fy ngherdyn Nadolig eleni yn gwerthfawrogi ei dawn artistig yn fawr.

"Roedd hi’n wych cwrdd ag Elizabeth wyneb yn wyneb yn Ysgol Pen-y-Bryn yr wythnos hon i'w llongyfarch ar ei dyluniad gwych, a chyflwyno ei gwobr iddi.

"Hoffwn ddiolch i'r holl blant a gymerodd ran yn fy nghystadleuaeth eleni. Mae fy nhîm yn y swyddfa a minnau wedi mwynhau mynd trwy'r holl ddyluniadau gwych - mae gennym ni lond gwlad o artistiaid ifanc dawnus iawn yma yng Ngorllewin Clwyd!"