Cyngor Bwrdeistref Sirol Conwy yw'r ail gyngor i gefnogi cynnig, a gynigiwyd gan y Ceidwadwyr Cymreig, i ddatgan argyfwng iechyd, yn dilyn penderfyniad Cyngor Sir Ddinbych i ddatgan un ym mis Tachwedd.
Mae AS Gorllewin Clwyd, Darren Millar wedi croesawu'r penderfyniad.
Polisi’r Ceidwadwyr Cymreig yw datgan argyfwng iechyd Cymru gyfan er mwyn sicrhau bod adnoddau digonol a chyfarpar cyfan y llywodraeth yn cael ei ddefnyddio i fynd i'r afael ag argyfwng y GIG.
Dywedodd Arweinydd y Ceidwadwyr Cymreig, Darren Millar AS:
"Rwy'n croesawu'r penderfyniad hwn ac yn ei gefnogi'n llawn. Rhaid datgan argyfwng iechyd ledled Cymru.
"Mae pobl ar lawr gwlad yn cydnabod yr argyfwng sydd wrth wraidd ein GIG yng Nghymru, hyd yn oed os yw'r Llywodraeth Lafur gyda chefnogaeth Plaid yn methu â gwneud hynny.
"Dim ond y Ceidwadwyr Cymreig sydd â chynllun credadwy i drwsio ein GIG yng Nghymru. Byddwn yn datgan argyfwng iechyd i sicrhau adnoddau digonol ac mae'r holl gyfarpar llywodraeth yn cael ei ddefnyddio i fynd i'r afael â'r argyfwng hwn. Mae angen mwy o welyau ysbyty, canolfannau diagnostig a chanolfannau llawfeddygol arnom ar frys."
