Yn ystod Cwestiynau'r Prif Weinidog heddiw, cododd Arweinydd y Ceidwadwyr Cymreig, Darren Millar AS, bryderon am y diffyg diweddariadau ar sefydlu ymchwiliad cyhoeddus i gangiau sy'n meithrin perthynas amhriodol yma yng Nghymru.
Cododd Mr Millar bryderon pellach yn dilyn adroddiadau bod dau oroeswr wedi gadael panel dioddefwyr a goroeswyr Llywodraeth y DU, gan nodi diffyg ymddiriedaeth yn y broses. Mynegodd un goroeswr ofnau bod yr ymchwiliad wedi dod yn "llai am y gwir a mwy am gelu pethau" ar ôl iddi ddod i'r amlwg bod y ddau ymgeisydd ar y rhestr fer i arwain yr ymchwiliad yn gyn-bennaeth heddlu a gweithiwr cymdeithasol - ill dau o sefydliadau a oedd wedi methu dioddefwyr pan oedd angen amddiffyniad arnynt fwyaf.
Hefyd, beirniadodd Mr Millar y ffaith nad yw'r grŵp cyfeirio dioddefwyr-goroeswyr sy'n cael ei sefydlu gan Lywodraeth Cymru, a gyhoeddwyd ym mis Mehefin fel rhan o'i Strategaeth genedlaethol ar atal ac ymateb i gam-drin plant yn rhywiol, wedi cyfarfod eto, yn ôl Emily Vaughn, sydd wedi goroesi achos o gamdriniaeth.
Dywedodd Darren Millar AS, Arweinydd y Ceidwadwyr Cymreig:
"Mae'r diffyg brys gan Lywodraeth Cymru neu Lywodraeth y DU ar y mater hwn yn frawychus ac yn destun pryder.
"Mae pedwar mis wedi mynd heibio ers i'r Prif Weinidog ysgrifennu ataf i ddweud bod grŵp cyfeirio dioddefwyr-goroeswyr yn cael ei sefydlu yng Nghymru - ac eto i gyd, nid yw'r grŵp wedi cyfarfod o gwbl, yn ôl dioddefwyr camdriniaeth.
"O gofio bod mwy o bobl wedi'u harestio yn y Rhyl mewn perthynas â chamfanteisio'n rhywiol ar blant dros yr haf, mae'r oedi hwn yn gwbl annerbyniol.
"Mae'n rhaid i Lywodraeth
Beth am wylio cyfraniad Darren Millar yn Senedd Cymru, isod:
