Yn sesiwn Cwestiynau'r Prif Weinidog heddiw, cytunodd Eluned Morgan i gwrdd ag Arweinydd y Ceidwadwyr Cymreig i drafod cyllideb y flwyddyn nesaf, gan ddweud "mae ein drws ar agor”.
Mae Llywodraeth Lafur Cymru yn brin o fwyafrif yn y Senedd a bydd angen pleidleisiau ychwanegol arni i basio ei chyllideb.
Roedd Darren Millar AS wedi ysgrifennu at y Prif Weinidog i ddweud, er na allai gefnogi dull 'mwy o'r un peth' ar gyfer cynlluniau gwariant Llywodraeth Cymru, y gallai cytundeb cyllideb fod yn bosibl os bydd Llywodraeth Cymru yn ystyried rhai o flaenoriaethau allweddol y Ceidwadwyr Cymreig, megis dileu Treth Stamp Cymru (Treth Trafodiadau Tir) ar gyfer pob prif eiddo preswyl.
Dywedodd Darren Millar AS, Arweinydd y Ceidwadwyr Cymreig:
“Rwy'n ddiolchgar i'r Prif Weinidog am gytuno i gwrdd â mi i drafod cyllideb y flwyddyn nesaf.
“Ni fyddwn yn cyd-weld ar bob mater, ond rydyn ni’n wrthblaid gyfrifol sydd eisiau sicrhau bod cyllideb Llywodraeth Cymru yn rhoi pobl Cymru yn gyntaf.
“Mae'r Ceidwadwyr Cymreig yn glir. Rydyn ni’n barod i drafod y gyllideb, mewn ewyllys da, er mwyn sicrhau newid cadarnhaol i bobl Cymru.”
Beth am wylio cyfraniad Darren Millar yn Senedd Cymru, isod:
