Yng Nghwestiynau'r Prif Weinidog heddiw, heriodd Arweinydd y Ceidwadwyr Cymreig y Prif Weinidog i roi sylw i gyllideb y Canghellor sy'n torri addewidion maniffesto Llafur, yn codi trethi, yn chwyddo'r wladwriaeth les ac i’w methiant i sefyll dros bobl Cymru.
Galwodd Darren Millar AS ar Rachel Reeves i ymddiswyddo am gamarwain y cyhoedd ar gyllid gwledydd Prydain a thorri addewid Llafur i beidio â chodi trethi ar bobl sy'n gweithio.
Wrth ymateb, dywedodd Arweinydd y Ceidwadwyr Cymreig, Darren Millar AS:
"Mae Rachel Reeves wedi dweud celwydd wrth y cyhoedd - dylai ymddiswyddo.
“Fe wnaeth Llafur addo beidio â chodi trethi ar bobl sy'n gweithio. Fe wnaethon nhw dorri eu haddewid yng nghyllideb y llynedd a gwneud hynny eto eleni, gan geisio esgusodi hyn trwy gamarwain y bobl ar gyflwr y pwrs cyhoeddus. Yr hyn a gafwyd mewn gwirionedd oedd cyllideb codi trethi i dalu am fwy o les.
“Os na all y Canghellor wneud yr hyn sy’n iawn ac ymddiswyddo, dylai'r Prif Weinidog roi'r sac iddi. Dyma'r hunllef cyn y Nadolig i weithwyr, pensiynwyr, cyflogwyr, cynilwyr a modurwyr, ac roedd yn gyllideb ar gyfer Stryd Budd-daliadau.
“Dim ond y Ceidwadwyr sydd â chynllun i dorri trethi, torri gwariant, a chael Cymru i weithio.”
Beth am wylio cyfraniad Darren Millar yn Senedd Cymru, isod:
