Mae'r BBC wedi adrodd bod Llafur Cymru a Phlaid Cymru wedi dod i gytundeb i basio eu Cyllideb Derfynol, cyn etholiad y Senedd yn 2026.
Mae Plaid Cymru a Llafur wedi dod i gytundebau rheolaidd ar y gyllideb ers dechrau datganoli yng Nghymru, fel rhan o gytundebau clymblaid a chydweithio rhwng y ddwy blaid, gan gynnwys ar gyfer pob cyllideb flynyddol y tymor hwn yn y Senedd, ac eithrio un.
Meddai Arweinydd y Ceidwadwyr Cymreig, Darren Millar AS:
"Unwaith eto, mae'n ymddangos bod Llywodraeth Cymru ar fin pasio cyllideb annigonol, diolch i gynllwyn arall rhwng Plaid a Llafur.
"Fe wnaeth y Ceidwadwyr Cymreig estyn allan yn llawn ewyllys da drwy gynnig agenda feiddgar i dorri treth a thorri gwariant gwastraffus er mwyn cael economi Cymru i symud eto, ond roedd y Prif Weinidog yn amlwg yn chwarae gemau.
"Bydd cytundeb Llafur a Plaid yn golygu mwy o'r un gwariant gwastraffus ar wleidyddion ychwanegol, llysgenadaethau tramor a choed, yn hytrach na chanolbwyntio adnoddau ar flaenoriaethau pobl Cymru, ac ar roi mwy o arian ym mhocedi pobl.
"Mae'n amlwg mai dim ond y Ceidwadwyr Cymreig y gellir ymddiried ynddyn nhw i ddod â'r acsis rhwng Plaid a Llafur yng Nghymru i ben a chyflwyno cynllun credadwy i gael Cymru yn ôl ar ei thraed."
