Mae Arweinydd y Ceidwadwyr Cymreig ac AS Gorllewin Clwyd, Darren Millar, wedi galw unwaith eto am Ymchwiliad Covid Annibynnol yng Nghymru.
Wrth ymateb i Ddatganiad heddiw gan y Prif Weinidog, 'Ymchwiliad COVID-19 y DU: Adroddiad Modiwl 2', canmolodd Darren waith rhagorol y Farwnes Hallett, ond dywedodd "nid ydym yn credu bod yr achos dros ymchwiliad COVID yn benodol i Gymru wedi diflannu".
Meddai:
“Rydym yn dal i gredu bod angen ymchwiliad COVID annibynnol yng Nghymru i wneud yn siŵr ein bod yn dysgu'r gwersi o'r hyn a ddigwyddodd.
“Er fy mod yn gwerthfawrogi bod Llywodraeth Cymru wedi rhannu llawer o wybodaeth gydag ymchwiliad y DU, y gwir amdani yw bod pwyslais yr ymchwiliad yn gryf iawn ar Lywodraeth y DU, ac yn fy marn i, dylai fod mwy o bwyslais fod wedi'i roi ar lawer o'r penderfyniadau hynny a wnaed yma.
“Gwnaethpwyd llawer o'r penderfyniadau hynny, wrth gwrs, ac roeddent yn wahanol iawn i'r penderfyniadau a wnaed dros y ffin. Rwy'n dal i gredu'n gryf, ynghyd â'r teuluoedd mewn profedigaeth COVID a llawer o rai eraill, bod angen i'r ymchwiliad COVID annibynnol hwnnw ar gyfer Cymru gael ei gynnal.”
Yn ei ymateb, aeth ati hefyd i feirniadu Llywodraeth Cymru am beidio ag ymgysylltu'n iawn â Phwyllgor Ymchwiliad Covid y Senedd, sydd bellach wedi diddymu.
Meddai:
“Ni wnaeth Llywodraeth Cymru ymgysylltu'n iawn â'r pwyllgor hwnnw, mae gen i ofn dweud, gwrthododd gefnogi'r achos i bobl gymryd llw cyn rhoi tystiolaeth i'r pwyllgor hwnnw. A hyd yn oed nawr, mae'n ymddangos i mi o ran y ffordd y mae'n ymgysylltu â'r Pwyllgor Cyfrifon Cyhoeddus a Gweinyddiaeth Gyhoeddus.”
