Mae Darren Millar AS, Arweinydd y Ceidwadwyr Cymreig, wedi ysgrifennu llythyr agored at Brif Weinidog y Deyrnas Unedig, Syr Keir Starmer AS, yn gofyn yn ffurfiol iddo ddynodi Dydd Gŵyl Dewi, sy'n digwydd ar ddydd Sadwrn eleni, fod yn ŵyl banc barhaol.

Wrth adnewyddu galwadau'r Ceidwadwyr Cymreig, ysgrifennodd Darren: “Fel diwrnod nawddsant Cymru, mae Dydd Gŵyl Dewi yn achlysur dathlu pwysig i bobl Cymru bob blwyddyn, a chredaf y byddai cydnabod y diwrnod hwn fel gŵyl y banc o fudd enfawr i'n cenedl…”

Wrth wneud sylw, dywedodd Arweinydd y Ceidwadwyr Cymreig ac Arweinydd yr Wrthblaid yn y Senedd, Darren Millar AS:

“Mae'n hen bryd i Ddydd Gŵyl Dewi fod yn ŵyl y banc.

“Bydd y cam hwn yn helpu i roi Cymru ar y map, hybu twristiaeth, gwella cydnabyddiaeth o ddiwylliant Cymreig ac yn rhoi diwrnod o fyfyrio i bobl gofio beth mae'n ei olygu i fod yn Gymry, gan sicrhau cydraddoldeb â Dydd Sant Andrew yn yr Alban a Dydd Sant Padrig yng Ngogledd Iwerddon.

“Felly gadewch i ni wneud Dydd Gŵyl Dewi yn ŵyl banc, i gydnabod yn bendant ac yn ffurfiol bwysigrwydd y diwrnod Cymreig hwn o arwyddocâd diwylliannol ac i ddathlu ein nawddsant gyda bwyd a chân”