Heddiw, cyfarfu'r Prif Weinidog Eluned Morgan AS ag Arweinydd Ceidwadwyr Cymru, Darren Millar AS, ar gyfer trafodaeth gychwynnol ar gyllideb Llywodraeth Cymru y flwyddyn nesaf.
Mae Darren wedi disgrifio'r cyfarfod cyntaf fel un "adeiladol" gyda chyfarfodydd pellach i ddod "yn yr wythnosau nesaf".
Mae Llywodraeth Lafur Cymru yn brin o fwyafrif yn y Senedd a bydd angen pleidleisiau ychwanegol i basio ei chyllideb.
Roedd Darren Millar AS wedi ysgrifennu at y Prif Weinidog cyn y cyfarfod hwn i fynegi, er na allai gefnogi dull ‘mwy o’r un peth’ ar gyfer cynlluniau gwariant Llywodraeth Cymru, y gallai cytundeb cyllideb fod yn bosibl os bydd Llywodraeth Cymru yn ystyried rhai o flaenoriaethau allweddol y Ceidwadwyr Cymreig, megis dileu Treth Stamp Cymru (Treth Trafodiadau Tir) ar gyfer pob prif eiddo preswyl.
Dywedodd Darren Millar AS, Arweinydd y Ceidwadwyr Cymreig:
“Rwy'n ddiolchgar i'r Prif Weinidog am gyfarfod cyntaf adeiladol ar gyllideb y flwyddyn nesaf.
“Rydyn ni wedi cytuno i gyfarfod eto i gymryd rhan mewn trafodaethau cyllideb manylach yn yr wythnosau nesaf.
“Byddaf yn parhau i weithio'n galed i geisio cytundeb cyllideb sy'n rhoi pobl Cymru yn gyntaf ac sy'n cael ein heconomi i symud unwaith eto."
